PERO

I.

PERO

Nelei filia ex Chloride filiâ Amphionis, soror Nestoris et Periclymeni, eximiâ pulchritudine, quam cum multi certatim proci uxorem sibi deposcerent, Neleus, qui id temporis irreconciliabili odiô ab Hercule dissidebat, negait se cuipiam illam desponsurum, nisi prius boves Herculis abactos ad se adluxisset. Quod cum Bias Amythaonis, et Aglaiae fil, a fratre

Melampode adiutus praestitisset, uxorem eam accepit. Homer. l. 12. Od.

II.

PERO

a pera dictus est, quod peras laxitate perones imitarentur, Vosl. de Orig. et progr. Idolol. l. 3. c. 70. Unde D. Hieronym. apud Hebraeos eandem vocem et Peronem, et sacculum sonare docet, in Gen. c. 44. Et sane rustici ac agricolae, quibus illi familiares fuêre, ut Servius in Aen. l. 7. et Budaeus Annotat. in Pandect. docent, amplioribus ac laxioribus pedum crurumque integumentis gaudere solent. Quae causa, quod Peronatum vocat aratorem Persius, Sat. 5. v. 102.

Navim si poscat sib peronatus arator.

Sic igitur laxa erat illa Peronum amplitudo, ut ad mediam saltem tibiam ampliter procurrerent; quo scil. minus limô ac lutô aratorum pedes inferioraque tibiarum aspergerentur, ubi illac gradiendum erat. Ob quam rem altum Peronem dixit Iuvenal. Sat. 14. v. 186.

Nil vetitum fecisse volet, quem non pudet altô

Per glaciem Perone tegi.

Sed neque rustici solum hôc calceamenti genere usi sunt. Nam et hernici Italiae populi eosdem in bellis usurpâsse leguntur, apud Virgilium Aen. l. 7. v. 689.

——— ———— Vestigia nuda sinistri

Instituêre pedis; crudus tegit altera Pero.

Ubi dextrô solum illos pede peronatos fuisse docet Poeta, ad imitationem forte Aetolorum μονοκρηπίδων. Ab his dein ad alios mos traductus: Praefecto Vigilum Peronum usus tribui videtur, apud Paulum IC. l. 3. §. 3. ff. de offic. Prof. Vig. Plebeios similiter peronatos omnes fuisse Romae, ex M. Catonis fragmento patet, apud Festum: Qui magistratum Curulem cepisset, calceos mulleos, alii uncinatos, ceteri Romani perones etc. Ubi tres calceamentorum species apte distinguens, mulleos Patriciis: uncinatos minus illustribus: et Perones reliquis Romanis, nempe plebeiis, attribuit. Interim peregrinum magis, quam civile, calceamenti hoc genus Romanis fuit. Nam ut sileam, quod habet vetus Iuvenalis interpres, qui ad haec, Sat. 1. v. 111.

Nuper in hanc Urbem pedibus qui venerat albis,

ita scribit, Vel pedules novos in braccis, quos Perones dicunt, habens, ut peregrinus. Id ostendit Salisberiensis in Euthet. ubi de schemate peregrino sic habet,

Trita tegant frontem pilea, Pero pedem.

Favet etiam Phil. Cluverius German. antiq. l. 1. ubi et Germanos veteres istoc calceamenti genus adhibuisse docet, simulque iconem Peronum in aere exhibet. Sic gothorum Senatoribus quoque Sidon. Apollinaris eosdem tribuit, Carm. 7. v. 455. et seqq.

——— ——— Nec tangere possunt

Altatae suram pelles, et poplite nudô

Peronem pauper nodo suspendit equino.

Ubi tamen observandum, quod, cum Romani sive calceis, sive Peronibus tibiatim essent calceati, gothi gentilitiô more, nudis cruribus et suris, nudôque poplite incesserint. Imo et de Medis Parthisque, quos Romae vidit, Tertullian. idem testatur, de hab. mul. c. 7. In Peronibus, inquiens, uniones de luto emergere cupiunt, etc. Facti erant Perones ut plurimum ex crudo corio, sine ulla arte, und puri Calcei quibusdam dicti videntur. Vide Salmuthum in Pancirollum l. rer. deperdit. c. de Fibula. Imo et ex setoso interdum corio constabant. Sic enim Sidonius Apollinaris l. 4. Ep.20. Quorum pedes perone setosô talos adusque vinciebantur. Quid ergo sibi vult Tertullian. l. de Pallio c. 5. cum ait: Magnum incessui munimentum sutrinae Venereae prospexêre, perones effeminatos? Nonne femininum genus, domesticis rebus, in umbra occupatum, soleae potius seu crepidae, quam crassi istiusmodi Perones dencent? Sed, ut curiosum hoc genus est et omnia experiri avidum, facile impulas hôc geniô credam, ut Peronibus etiam uterentur; sed eorum prius asperitate in molliorem elegantiam sic immutatâ, ut exculti, affabre consuti, ornati etiam gemmis, aurôque praetexti et suppacti essent. Quod idem in crepidis Philosophorum, et hodie apud nobiliores in Italia feminas in larvis factitari videmus. Cum igitur in Peronibus illis, non secus ac in crepidis, feminarum luxuriaretur ambitio, ideo merito eos effeminatorum epithetô Tertullianus insignit etc. Vide B. Balduinum de Calceo c. 17. De Peronibus Scoticis, sic hector Boethius Histor. Scotor. l. 14. p. 308. Postea peronum decem milia passim per exercitum proiectorum (inventa) Calceamenti autem id genus est hirsutum, ex corio crudo confectum, quô Scoti, veteri Romanorum more, in expeditionibus atque venatibus, quod ad cursum celeriorem nihil praestaret impedimenti, uti consuevêre.